नेपालको शानदार जित : स्कटल्याण्डलाई ६ विकेटले हराउँदै लिग–२ मा पाँचौँ स्थानमा उक्लियो
-
माहिर न्युज
- सोम, ०४ जेठ २०८३
नेपालले आईसीसी क्रिकेट विश्वकप लिग–२ अन्तर्गत सोमबार भएको खेलमा स्कटल्याण्डलाई ६ विकेटले पराजित गर्दै अंक तालिकामा महत्वपूर्ण छलाङ मारेको छ। कीर्तिपुरस्थित त्रिवि क्रिकेट मैदानमा भएको खेलमा नेपालले १९५ रनको लक्ष्य ३८.१ ओभरमा चार विकेट गुमाएर पूरा गरेको हो।
यस जितसँगै नेपाल
२२ अंकसहित लिग–२ को पाँचौँ स्थानमा पुगेको छ। समान अंक भएको नामिबियालाई नेपालले
नेट रनरेटमा पछि पारेको हो। नेपालले हालसम्म २७ खेल खेल्दा १० जित र १५ हार
बेहोरेको छ भने दुई खेल रद्द भएका थिए।
नेपालको जितमा
कप्तान रोहित पौडेलले उत्कृष्ट प्रदर्शन गर्दै ७४ रनको अर्धशतकीय इनिङ खेले। उनले
९८ बल सामना गर्दै पाँच चौका र दुई छक्का प्रहार गरे। इशान पाण्डेले पनि ५५ रनको
योगदान दिए। उनले ६१ बलमा पाँच चौका र दुई छक्का प्रहार गर्दै कुशल भुर्तेलसँग
दोस्रो विकेटका लागि १०४ रनको साझेदारी गरे।
ओपनर आशिफ शेखले
२९ रन बनाउँदा कुशल भुर्तेलले २८ रन जोडे। यी दुईले पहिलो विकेटका लागि ५८ रनको
साझेदारी गर्दै नेपाललाई राम्रो सुरुआत दिलाएका थिए।
स्कटल्याण्डका बलर
मार्क वाटले दुई विकेट लिए भने ब्रान्डन म्याकमुलेनले एक विकेट हात पारे।
त्यसअघि टस हारेर
पहिले ब्याटिङ गरेको स्कटल्याण्ड ३९.१ ओभरमा सबै विकेट गुमाउँदै १९४ रनमा समेटिएको
थियो। टोलीका लागि ब्रान्डन म्याकमुलेनले आक्रामक ब्याटिङ गर्दै ७३ रन बनाए। उनले
४४ बलमा ६ चौका र ६ छक्का प्रहार गरे। कप्तान रिचि बेरिंगटनसँग उनले तेस्रो
विकेटका लागि ४२ रनको साझेदारी गरेका थिए।
माइकल इंग्लिसले
अविजित ५१ रन बनाउँदै टोलीलाई सम्मानजनक योगफलतर्फ डोर्याए। उनले ७१ बलमा चार
चौका र एक छक्का प्रहार गरे। जर्ज मुन्सीले २१ रन तथा मार्क वाटले २० रन बनाए।
नेपालका बलरमध्ये
ललित राजवंशी सर्वाधिक सफल रहे। उनले चार विकेट लिए। सन्दीप लामिछानेले तीन विकेट
झारे भने सोमपाल कामी, नन्दन यादव र दीपेन्द्र सिंह ऐरीले समान
एक–एक विकेट लिए।
हारका बाबजुद
स्कटल्याण्ड ३८ अंकसहित तालिकाको शीर्ष स्थानमा कायम रहेको छ।
एक्सप्रेस
सम्बन्धित खबर
तेक्वान्दोका समर्पित योद्धा राम गिरी : तीन दशकको यात्रापछि संघको केन्द्रीय उपाध्यक्षमा आरोहण
काठमाण्डौँ । तेक्वान्दो खेलसँग जीवनको तीन दशकभन्दा बढी समय समर्पण गरेका युवा उद्यमी तथा समाजसेवी राम गिरी नेपाल तेक्वान्दो संघको केन्द्रीय उपाध्यक्षमा मनोनीत भएका छन् । संघको सौराहामा सम्पन्न पाँचौँ अधिवेशनपछि अध्यक्ष...
एसीसी प्रिमियर कप : सेमिफाइनलमा नेपाल मलेसियासँग खेल्दै
काठमाडौँ । संयुक्त अरब इमिरेट्स यूएईमा जारी एसीसी पुरुष यू १९ प्रिमियर कप क्रिकेट प्रतियोगिताको सेमिफाइनलमा नेपालले आज मलेसियासँग खेल्दैछ। यो खेल अजमान मैदानमा बिहान ९ बजेदेखि सुरु हुनेछ । नेपाल समूह ‘ए’ को...
एनपिएलमा जनकपुरको पहिलो जित
काठमाडौँ । दोस्रो नेपाल प्रिमियर लिग एनपिएलमा जनकपुर बोल्ट्सले पहिलो जित दर्ता गरेको छ । मंगलबार चितवन राइनोजलाई ६ विकेटले पराजित गर्दै जनकपुरले जारी सिजन पहिलो जितको स्वाद चाखेको हो । यस जितसँगै जनकपुरले अंक तालिकामा...
पब्जी खेलेरै ‘किलर वाईटी’ ले परिवारलाई दिएको खुसी
आईसीसी टी–२० विश्वकप छनोटमा नेपालद्वारा ओमान ३८ रनले पराजित
काठमाण्डौँ । टी–२० एशिया तथा इस्ट एशिया–प्यासिफिक छनोटमा ओमानलाई ३८ रनले हराउँदै नेपाल अंक तालिकाको शीर्षस्थानमा उक्लिएको छ ।यो सँगै नेपालले छनोट उपाधि जित्ने सम्भावनालाई बलियो बनाएको छ । हिजोको खेलमा नेपालले दिएको १५२...
आजदेखि एनपीएलको दोस्रो संस्करण, पहिलो खेलमा जनकपुर र काठमाडौं भिड्दै
काठमाडौँ । दोस्रो संस्करणको नेपाल प्रिमियर लिग एनपिएल आज सुरु हुँदैछ। उद्घाटन खेलमा साबिक विजेता जनकपुर बोल्ट्स र काठमाडौं गोर्खाजले प्रतिस्पर्धा गर्दैछन्। यो खेल आज दिउँसो ४ बजे सुरु हुनेछ । काठमाडौंको कीर्तिपुर...