गुलमी । गुल्मीको रेसुङ्गा नगरपालिका–६ अन्तर्गत छाप र नेटाखर्क क्षेत्रमा भीषण आगलागी भएको छ । आगलागीका कारण स्थानीयवासी त्रसित बनेका थिए भने बस्तीमा क्षति पुग्ने जोखिम बढेको थियो ।

आगो नियन्त्रणका लागि सशस्त्र प्रहरी बल नेपाल गुल्मीबाट खटिएको सुरक्षाकर्मीको टोली, रेसुङ्गा नगरपालिकाको दमकल तथा स्थानीयवासी संयुक्त रूपमा परिचालन भएका थिए । कठिन भौगोलिक अवस्था र हावाहुरीका बीच गरिएको प्रयासपछि आगो नियन्त्रणमा लिन सफल भएको जनाइएको छ ।

समयमै दमकल परिचालन गरिएकाले मानवीय क्षति तथा घरवास जोगाउन सहयोग पुगेको स्थानीयले बताएका छन् । आगलागी नियन्त्रणमा सहयोग पुर्‍याएको भन्दै रेसुङ्गा नगरपालिकाका मेयर खिलध्वज पन्थी, उपमेयर अमृता देवी कुँवर, दमकल चालक कमलसहितको टोली तथा स्थानीयवासीप्रति धन्यवाद व्यक्त गरिएको छ ।