अछाममा जीप दुर्घटना, दुई जनाको मृत्यु
अछाम । अछामको पञ्चदेवल विनायक नगरपालिका–४ मा भएको जीप दुर्घटनाले दुई जनाको ज्यान गएको छ भने तीन जना घाइते भएका छन्।
शुक्रबार साँझ मध्यपहाडी लोकमार्गमा गुडिरहेको जीप अचानक अनियन्त्रित भई सडकबाट करिब २०० मिटर तल खस्दा दुर्घटना भएको प्रहरीले जनाएको छ। दार्चुलाबाट जुम्लातर्फ जाँदै गरेको सल्लोक आश्रम जनकपुरको बाप्र ०१–०२७ च २२७७ नम्बरको जीप दुर्घटनामा परेको हो।
दुर्घटनामा गम्भीर घाइते भएका मकवानपुर हेटौंडाका ४१ वर्षीय नवीन तुलाधर र बर्दियाको बाँसगढी नगरपालिका–५ का ४५ वर्षीय रामप्रकाश थारुको उपचारका क्रममा सुर्खेत प्रादेशिक अस्पतालमा मृत्यु भएको प्रहरीले जानकारी दिएको छ।
दुर्घटनामा परेका अन्य तीन जनाको उपचार भइरहेको छ। घाइतेमध्ये चालकसहित दुई जनाको अवस्था चिन्ताजनक रहेको अस्पताल स्रोतले जनाएको छ।
घटनापछि प्रहरी टोली घटनास्थलमा खटिएको छ भने दुर्घटनाको कारणबारे थप अनुसन्धान जारी रहेको छ।
एक्सप्रेस
सम्बन्धित खबर
राजमार्गले चोला फेर्यो, हर्षले सास्ती बिर्सायो
रिट दर्ता अवरोधको विरोधमा नेपाल बारको प्रदर्शन, दिउँसै लालटिन बाल्ने निर्णय
काठमाडौं । नेपाल बार एसोसिएसनले सर्वोच्च अदालत प्रशासनले रिट तथा निवेदन दर्ता गर्न अस्वीकार गरेको भन्दै विरोध कार्यक्रम घोषणा गरेको छ । बारले न्याय, विवेक र स्वच्छ प्रक्रियाको पक्षमा आज दिउँसै लालटिन बालेर प्रदर्शन गर्ने...
देशका विभिन्न जिल्लामा मेघगर्जनसहित वर्षा, खोपासीमा एक घण्टामै २५.८ मिमि पानी
पाँच एसएसपी डीआईजी बढुवा : सीआईबीमा भुपेन्द्र खत्री
काठमाडौँ । सरकारले पाँच जना डीआईजी बढुवा गरेको छ। गृहमन्त्री ओमप्रकाश अर्यालले सोमबार भुपेन्द्र खत्री, सानुराम भट्टराई, ओम अधिकारी, शेखर खनाल र अबिनारायण काफ्लेलाई डीआईजीमा बढुवा गर्ने निर्णय गरेका हुन् । एक सातापहिले नै उनीहरु बढुवाका लागि सिफारि...
सामान्य प्रशासनमन्त्री गुप्तालाई हटाउने तयारी
आजदेखि सरकारी कार्यालय समय घट्दै !
मिडियाबाजी डटकम काठमाडौँ, कात्तिक १६। सरकारले चालू आर्थिक वर्ष २०८२/८३ को लागि निर्धारण गरेको कार्यालय समय अनुसार आजदेखि कार्यालय समय १ घण्टा घट्ने भएको छ ।



