कालिकोट र प्यूठानमा भेटिएका शंकास्पद वस्तु सेनाद्वारा सुरक्षित रूपमा निष्क्रिय
कालिकोट र प्यूठान जिल्लाका दुई फरक स्थानमा फेला परेका शंकास्पद वस्तुहरूलाई नेपाली सेनाको बम डिस्पोजल टोलीले सुरक्षित रूपमा निष्क्रिय गरेको छ।
नेपाली सेनाको
जनसम्पर्क तथा सूचना निर्देशनालयका अनुसार नागरिकको सुरक्षालाई प्राथमिकतामा
राख्दै दुवै स्थानमा विशेष टोली परिचालन गरिएको थियो। प्राप्त सूचनापछि घटनास्थल
पुगेको सेनाको टोलीले आवश्यक सुरक्षा सतर्कता अपनाएर शंकास्पद वस्तुहरू डिस्पोज
गरेको जनाएको छ।
कालिकोटको खाँडाचक्र
नगरपालिका–१, मान्ममा एक स्थानीयको बारीमा शंकास्पद
वस्तु देखिएपछि त्यसबारे सुरक्षा निकायलाई खबर गरिएको थियो। सूचना प्राप्त हुनासाथ
पुगेको सेनाको टोलीले वस्तुलाई सुरक्षित रूपमा निष्क्रिय बनाएको हो।
यस्तै, प्यूठानको नौबहिनी गाउँपालिका–६, लुङस्थित
एक स्थानीयको घरमा पनि अर्को शंकास्पद वस्तु फेला परेको थियो। उक्त वस्तुलाई समेत
कुनै मानवीय वा भौतिक क्षति हुन नदिई सेनाले सुरक्षित रूपमा व्यवस्थापन गरेको
जनाएको छ।
शंकास्पद वस्तु फेला
परेपछि दुवै क्षेत्रमा स्थानीयबासीहरूमा केही समय त्रासको अवस्था सिर्जना भएको
थियो। सेनाको सक्रियतापछि अवस्था सामान्य बनेको बताइएको छ।
एक्सप्रेस
सम्बन्धित खबर
स्वास्थ्य मन्त्रालयमा झण्डै २ अर्ब बेरुजु, आर्थिक अनुशासनमा गम्भीर प्रश्न
महालेखापरीक्षकको कार्यालय को ६३औँ वार्षिक प्रतिवेदनले स्वास...
आज देशभरको मौसम मुख्यतया सफा रहने
काठमाडौ । हाल देशभर कुनै उल्लेखनीय मौसम प्रणालीको प्रभाव रहेको छैन । मौसम पूर्वानुमान महाशाखाका अनुसार आज दिउँसो सबै प्रदेशको पहाडी भू–भागमा आंशिक बदली रही बाँकी भू–भागमा मुख्यतया सफा रहनेछ । आज राति देशभर...
सामान्य प्रशासनमन्त्री गुप्तालाई हटाउने तयारी
भगवान शिव चाम्लिङ हुन सक्छन् : प्रधानमन्त्री ओली
आजदेखि सरकारी कार्यालय समय घट्दै !
मिडियाबाजी डटकम काठमाडौँ, कात्तिक १६। सरकारले चालू आर्थिक वर्ष २०८२/८३ को लागि निर्धारण गरेको कार्यालय समय अनुसार आजदेखि कार्यालय समय १ घण्टा घट्ने भएको छ ।


